हेटौँडा । नेकपा (एमाले) मकवानपुरका अध्यक्ष श्रीधर पोखरेलले ११औँ महाधिवेशन प्रतिनिधि चयनमा पराजित भएपछि मतदान प्रक्रियाको गम्भीर समीक्षा गर्न आग्रह गरेका छन्।
मकवानपुर क्षेत्र नं.–१ बाट प्रतिनिधि बन्न उम्मेदवार बनेका पोखरेल शनिबार सम्पन्न मतदानमा पराजित भएका थिए। श्रीमतीको उपचारका कारण वीर अस्पतालमा रहेका उनले अस्पतालमै वारेसमार्फत उम्मेदवारी दर्ता गरेका थिए।
निर्वाचनमा उनले ३३४ मत मात्रै पाएपछि सामाजिक सञ्जालमार्फत प्रतिक्रिया व्यक्त गर्दै धन्यवाद दिएका छन् र २० प्रतिशतभन्दा कम मतदान हुनुको कारण पहिचान गर्न आवश्यक रहेको बताएका छन्।
उनले भने, “भ्रामक प्रचारका बाबजुद पनि मलाई विश्वास गरी मतदान गर्ने सबै कमरेडहरूलाई धन्यवाद। किन २० प्रतिशतभन्दा कम मतदान भयो — यसको गहन समीक्षा आवश्यक छ।”
