स्टार्टअप उद्यमका लागि कर्जा लिन इच्छुक उद्यमीहरूले अब २१ दिनभित्र आवेदन दिनुपर्ने भएको छ। यो व्यवस्था उद्योगमन्त्री अनिलकुमार सिन्हाको प्रस्तावमा अघि बढाइएको हो।
बुधबार जारी गरिएको सूचनामा औद्योगिक व्यवसाय विकास प्रतिष्ठानले उल्लेख गरेको छ कि स्टार्टअप उद्यम कर्जा सञ्चालन कार्यविधि, २०८२ (पहिलो संशोधनसहित) अनुसार नवीन सोच, सीप र क्षमता भएका इच्छुकले सूचना प्रकाशित भएको मितिदेखि २१ दिनभित्र आफ्नो परियोजना प्रस्ताव पेश गर्नुपर्नेछ।
आवेदन अनलाइनमार्फत दिन सकिनेछ, र परियोजना प्रस्तावको ढाँचा तथा विस्तृत जानकारी औद्योगिक व्यवसाय विकास प्रतिष्ठानको आधिकारिक वेबसाइटमा उपलब्ध रहेको छ।
सरकारले स्टार्टअप उद्यमी कर्जा योजनामार्फत रोजगारी सृजना र आत्मनिर्भर अर्थतन्त्र निर्माण गर्ने लक्ष्य लिएको छ। यो योजना विशेषगरी जेन–जी पुस्ताका लागि सुनौलो अवसरका रूपमा रहेको उद्योगमन्त्री सिन्हाले बताएका छन्।
#StartupNepal #Entrepreneurship #BusinessLoan #Innovation #AarambhaOnline
@followers @follow @follower @followaarambhaonline
